2011.

Helstu verkefni það sem af er ári eru að strax eftir síðustu jól byrjuðum við að vinna í Þjórsárstofu.
Í þjórsárstofu settum við upp öryggis og brunavarnarkerfi frá Símens í samvinnu við Skaftfell.  Raflagnir voru rifnar niður og allt sett nýtt og breytt í samræmi við kröfur nútímanns. Einnig var eldhúsið tekið í gegn og lagfært.
Matís setti upp nýja starfsstöð á Flúðum og lögðum við allar raflagnir í það húsnæði fyrir þá.
Hótel Geysir er að stækka húsnæðið undir ferðamannaverslun og sáum við um raflagnir í það húsnæði.
Gullfoss-kaffi er að stækka við sig og þar vorum við að leggja raflagnir.

Febrúar 2009.
Helstu verkefnin þennan mánuðin eru raflagnir í iðnaðarhús fyrir Úlfar Harðason þar sem Gröfutækni verður með bækistöðvar sínar, þetta er um 500 fm. límtréshús þar sem bæði er verkstæðisaðstaða og aðstaða fyrir skrifstofu.
Jón Óli og Brynja eru komin með fokhelt og þar er allt komið á fullt með að innrétta, þetta er íbúðarhús á Stekkjarlandi 13 á Selfossi. Þetta er hefðbundið timburhús með bílskúr teiknað af teiknistofu Guðjóns Sigfússonar, raflögn teiknaði Ómar Baldursson.

janúar 2009.
Árið byrjar ágætlega hjá okkur við erum að byrja á raflögn í nýbyggingu í Byggðarhorni við Selfoss hús Sævars Eiríkssonar í Vélgröfunni. Raflögnin er teiknuð af Þór Stefánssyni raflagnahönnuð á Selfossi.
Sumarhús í Ásgarðslandi verður tekið um leið og RARIK kemur með heimtaug. Þetta hús er einnig hannað og teiknað af Þór Stefáns.
Nýtt íbúðarhús í Skipholti 1 hjá Karli og Valný, lagt í loft og útveggi.  Í þetta hús er lagt eftir teikningu frá Ómari Baldurssyni á Selfossi.

Desember 2008.
Í desember vorum við að leggja í nýja verslun fyrir Geysir shop í Hafnarstræti í Reykjavík.
Lögðum jarðstrengi í hesthús, fjárhús og starfsmannahús hjá Birni og Stefaníu í Vorsabæ á Skeiðum, einnig settum við upp lýsingu í reiðhöll hjá þeim auk fjárhús. Sjá heimasíðu þeirra WWW.vorsabae1.com
Erum að vinna í íbúðarhúsi í Fellskoti, íbúðarhúsi á Hraunvöllum, íbúðarhúsum á Flúðum og gistiheimili í Myrkholti erum að klára sumarhús á Eiríksbakka.  Auk þess  sem við erum að þjóna þeim fyrirtækjum sem eru í þjónustu hjá okkur.
Í desember kom Ketill Helgason til starfa hjá okkur beint úr tækniskólanum, hann er að bjarga okkur fyrir horn þar sem við önnum ekki öllu því sem við þurfum að gera.